ຂ່າວເດັ່ນ-ປະເດັນດັງ

ສປ ຈີນ ສະເຫຼີມສະຫຼອງ 100 ປີ ວັນສ້າງຕັ້ງພັກກອມມູນິດຈີນ ຢ່າງຍິ່ງໃຫຍ່

         ພິ​ທີ​ສະ​ເຫຼີມສະ​ຫລອງ ວັນ​ສ້າງ​ຕັ້ງພັກ​ກອມ​ມູ​ນິດ​ຈີນ​ ຄົບ​ຮອບ 100 ປີ​ ​ໄດ້ຈັດຂຶ້ນ ໃນວັນທີ 1 ກໍລະກົດ 2021, ທີ່​​ສະ​ໜາມ​ຫຼວງ​ທ່ຽນ​ອ່ານ​ເໝິນ ນະ​ຄອນ​ຫລວງ​ປັກ​ກິ່ງ ​ໂດຍ​ການເຂົ້າຮ່ວມຂອງ ສະຫາຍ​ ສີ​ຈິ້ນ​ຜິງ, ເລ​ຂາ​ທິ​ການ​ໃຫຍ່ ​ຄະ​ນະ​ກຳ​ມະ​ການ​ສູນ​ກາງ​ພັກ​ກອມ​ມູ​ນິດ​ຈີນ, ປະ​ທານ​ປະ​ເທດ​ຈີນ, ປະ​ທານຄະ​ນະ​ກຳ​ມະ​ການ​ທະ​ຫານ​ສູນ​ກາງ​ຈີນ​ ແລະ ບັນດາສະຫາຍການນໍາຂັ້ນສູງຂອງຈີນ ເຊິ່ງມີຜູ້ເຂົ້າຮ່ວມຫຼາຍກວ່າ 70 ພັນ​ຄົນ; ການສະເຫຼີມສະຫຼອງຄັ້ງນີ້ ມີການເດີນສວນສະໜາມຂອງກ້ອນກໍາລັງຕ່າງໆ, ການຍິງປືນສະຫຼອງ 100 ກະບອກ, ການບັນເລງເພງ ແລະ ການປະກາດຂອງກ້ອນກໍາລັງເຍົາວະຊົນ ທີ່ກ່າວຄໍາໝັ້ນຈົງຮັກພັກດີຕໍ່ພັກ​ກອມ​ມູ​ນິດ​ຈີນ ໄປພ້ອມໆກັບການບິນເຫີ່ນຢູ່ເທິງທ້ອງຟ້າຂອງເຮືອບິນ 30 ກວ່າລໍາ ສະແດງປ່ອຍຄວັນ ແລະ ບິນແປອັກສອນເປັນເລກ 100 ເຊິ່ງບັນຍາກາດເຕັມໄປດ້ວຍຄວາມຟົດຟຶ້ນ ແລະ ສະຫງ່າງາມ.

 

          ໃນພິທີທີ່ມີຄວາມສໍາຄັນດັ່ງກ່າວ ທ່ານ ສີຈິ້ນຜິງ ໄດ້ກ່າວ​ຄຳ​ປາ​ໄສ​ສຳ​ຄັນວ່າ: ນັບແຕ່ຈີນດຳເນີນການປະຕິຮູບ ແລະ ເປີດປະຕູສູ່ພາຍນອກໂດຍຜ່ານການສູ້ຊົນຜ່ານຜ່າຢ່າງຕໍ່ເນື່ອງຂອງທົ່ວພັກ ແລະ ປະຊາຊົນທົ່ວປະເທດຈີນ, ຈີນໄດ້ສ້າງສັງຄົມທີ່ອີ່ມໜຳສຳລານສຳເລັດຢ່າງຮອບດ້ານ, ປັດຈຸບັນຈີນພວມມຸ່ງໜ້າໄປສູ່ເປົ້າໝາຍການສ້າງປະເທດສັງຄົມນິຍົມທີ່ທັນສະໄໝ ແລະ ເຂັ້ມແຂງໃຫ້ສຳເລັດຢ່າງຮອບດ້ານ ມັນແມ່ນກຽດສັກສີ ແລະ ຄວາມສະຫງ່າງາມອັນຍິ່ງໃຫຍ່ຂອງຊົນຊາດຈີນ, ຂອງປະຊາຊົນຈີນ ແລະ ຂອງພັກກອມມູນິດຈີນ ເຊິ່ງໃນກອງປະຊຸມໃຫຍ່ຜູ້ແທນທົ່ວປະເທດຂອງພັກກອມມູນິດຈີນ ຄັ້ງທີ 19 ໄດ້ກ່າວໄວວ່າ: ເມື່ອຮອດວັນສ້າງຕັ້ງພັກກອມມູນິດຈີນ ຄົບຮອບ 100 ປີ, ຈີນ ຈະເຮັດສຳເລັດໜ້າທີ່ການສ້າງສັງຄົມທີ່ອີ່ມໜຳສຳລານ ເສດຖະກິດມີການພັດທະນາກວ່າເກົ່າ, ປະຊາທິປະໄຕສົມບູນກວ່າເກົ່າ,ວິທະຍາສາດ ແລະ ການສຶກສາກ້າວໜ້າກວ່າເກົ່າ, ວັດທະນະທຳຈະເລີນຮຸ່ງເຮືອງກວ່າເກົ່າ, ສັງຄົມກົມກຽວກວ່າເກົ່າ ແລະ ຊີວິດການເປັນຢູ່ຂອງປະຊາຊົນດີງາມກວ່າເກົ່າ.

ຮຽບຮຽງໂດຍ: ສາຍສໍາພັນ

ບົດຄວາມໜ້າສົນໃຈ

Leave a Reply

Your email address will not be published. Required fields are marked *