ວຽກງານໂຄສະນາອົບຮົມ

ຮອງຫົວໜ້າ ຄອສພ ປະຕິບັດໜ້າທີ່ເປັນວິທະຍາກອນ ສົ່ງຄວາມຮູ້ໃນວຽກງານໂຄສະນາອົບຮົມ ຂອງພັກ ໃຫ້ແກ່ນັກສຶກສາ ສມປຊ

            ເພື່ອເຮັດໃຫ້ນັກສຶກສາປະລິນຍາຕີ ຮຸ່ນທີ IX ສາຂາໂຄສະນາອົບຮົມ ຢູ່ສະຖາບັນການເມືອງ ແລະ ການປົກຄອງແຫ່ງຊາດ ມີຄວາມຮັບຮູ້ເຂົ້າໃຈເລິກເຊີ່ງຕໍ່ວຽກງານການເມືອງ-ແນວຄິດ ກໍຄືວຽກງານໂຄສະນາອົບຮົມຂອງພັກ  ເພື່ອຮັບປະກັນພາຍຫຼັງທີ່ຮຽນຈົບສາມາດນໍາເອົາບົດຮຽນໄປໝູນໃຊ້ເຂົ້າໃນວຽກງານຕົວຈິງໄດ້ຢ່າງມີປະສິດທິຜົນ.

            ສະນັ້ນ, ໃນວັນທີ 13-14 ກັນຍາ 2021 ທ່ານ ລາວປາວຊົ່ງ ນະວົງໄຊ ກໍາມະການສູນກາງພັກ, ຮອງເລຂາຄະນະພັກ, ຮອງຫົວໜ້າຄະນະໂຄສະນາອົບຮົມສູນກາງພັກ ແລະ ທ່ານ ນ. ວິລະວອນ ພັນທະວົງ ຄະນະປະຈໍາພັກ,​ ປະທານກວດກາ, ຮອງຫົວໜ້າຄະນະໂຄສະນາອົບຮມສູນກາງພັກ ໄດ້ຜັດປ່ຽນກັນໄປຂຶ້ນຫ້ອງບັນຍາຍເອກະສານກ່ຽວກັບວຽກງານໂຄສະນາອົບຮົມຂອງພັກ ໃຫ້ນັກສຶກສາປະລິນຍາຕີ ສາຂາໂຄສະນາອົບຮົມ ພາກທີ I ​ວຽກງານ​ແນວ​ຄິດ​ ຂອງ​ພັກ, ໃນບົດທີ 1 ຄວາມສໍານຶກ ​ແລະ ​ເນື້ອ​ໃນພື້ນຖານ​ວຽກງານ​ແນວ​ຄິດ ຂອງ​ພັກ ແລະ ບົດທີ 2 ໂຄງປະກອບ ຂອງວຽກງານການເມືອງ-ແນວຄິດ.

 ໃນການບັນຍາຍເອກະສານ 2 ທ່ານ ກໍໄດ້ອະທິບາຍໃຫ້ນັກສຶກສາເຂົ້າໃຈ ແລະ ກໍາແໜ້ນວຽກງານແນວຄິດແມ່ນຫຍັງ, ມີຄວາມສຳຄັນແນວໃດ, ພັກເຮົາໄດ້ຖືສໍາຄັນວຽກງານການເມືອງ-ແນວຄິດເປັນບັນຫາທີ່ສໍາຄັນ, ໄປຄຽງຄູ່ກັບ ການອະທິບາຍທາງດ້ານທິດສະດີ ທ່ານຮອງຫົວໜ້າ  ຄອສພ ຍັງໄດ້ຍົກເອົາພຶດຕິກໍາຕົວຈິງ ກ່ຽວກັບການເຮັດວຽກງານການເມືອງ-ແນວຄິດ ກໍຄືວຽກງານໂຄສະນາອົບຮົມຂອງພັກ ທີ່ໄດ້ຮັບຜົນດີ ຢູ່ຫຼາຍຂົງເຂດວຽງານ ແລະ ຫຼາຍທ້ອງຖິ່ນ ເພື່ອເປັນບ່ອນອີງໃຫ້ແກ່ການສົມທຽບລະຫວ່າງທິດສະດີກັບພຶດຕິກໍາ ແລະ ຄວາມສອດຄ່ອງກັບຍຸກສະໄໝ; ນອກນີ້ ວິທະຍາກອນທັງສອງທ່ານ ຍັງໄດ້ຖືເອົາໂອກາດດັ່ງກ່າວນີ້ ສະເໜີໃຫ້ນັກສຶກສາຮັບຊາບທິດທາງໃນການປັບປຸງ ແລະ ສ້າງການຫັນປ່ຽນໃໝ່ໃນວຽກງານໂຄສະນາອົບຮົມຂອງພັກໃນຕໍ່ໜ້າ ທີ່ກອງປະຊຸມໃຫຍ່ສະມາຊິກພັກຄັ້ງທີ V ຂອງອົງຄະນະພັກ ຄອສພ ໄດ້ກໍານົດອອກ ເພື່ອໃຫ້ນັກສຶກສາກໍາແໜ້ນ ແລະ ກຽມພ້ອມທີ່ຈະນໍາເອົາບົດຮຽນດ້ານຕ່າງໆ ນໍາໄປຈັດຕັ້ງຜັນຂະຫຍາຍເຂົ້າໃນວຽກງານຕົວຈິງໃຫ້ມີປະສິດທິຜົນ ພາຍຫຼັງທີ່ສໍາເລັດການສຶກສາ.

 

 

ຂ່າວ-ພາບໂດຍ: ກຽງແກ້ວ ສີລາມິຕະກອນ

ບົດຄວາມໜ້າສົນໃຈ

Leave a Reply

Your email address will not be published. Required fields are marked *