ຂ່າວເດັ່ນ-ປະເດັນດັງ

ສ້າງຂະບວນການຕ້ອນຮັບ ກອງປະຊຸມໃຫຍ່ ຄັ້ງທີ V  ຂອງ ອົງຄະນະພັກ ຄອສພ

         ເພື່ອເຮັດໃຫ້ການກະກຽມ ໃຫ້ແກ່ກອງປະຊຸມໃຫຍ່ຄັ້ງທີ V  ຂອງອົງຄະນະພັກ ຄະນະໂຄສະນາອົບຮົມສູນກາງພັກ ທີ່ຈະໄຂຂຶ້ນໃນມໍ່ໆນີ້ ມີບັນຍາກາດຟົດຟື້ນ ແລະ ເຕັມໄປດ້ວຍຄວາມສາມັກຄີ, ເປັນເອກະພາບພາຍໃນ ຄອສພ ຢ່າງໜັກແໜ້ນ; ດັ່ງນັ້ນ ໃນຕອນເຊົ້າ ຂອງວັນທີ 16 ສິງຫາ 2021 ຄະນະຮັບຜິດຊອບ ອະນຸກຳມະການ ໂຄສະນາ ແລະ ຂະບວນການ ຈຶ່ງໄດ້ຈັດຕັ້ງພິທີ ເປີດຂະບວນການ ຕ້ອນຮັບກອງປະຊຸມໃຫຍ່ ຄັ້ງທີ V  ຂອງອົງຄະນະພັກ ຄອສພ ຢ່າງເປັນທາງການ ຢູ່ທີ່ສຳໜັກງານ ຄອສພ (ຫຼັກ6).

        ເປັນກຽດເຂົ້າຮ່ວມພິທີ ມີຄະນະພັກ, ຄະນະໂຄສະນາອົບຮົມສູນກາງພັກ, ມີຄະນະກົມ ແລະ ພະນັກງານວິຊາການທັງໝົດ ຢູ່ພາຍໃນ ຄອສພ ເຂົ້າຮ່ວມ; ໃນພິທີດັ່ງກ່າວ ທ່ານ ວັນຕຸລາ ຣັກນຸດ ຫົວໜ້າຮັບຜິດຊອບ ວຽກງານໂຄສະນາ ແລະ ຂະບວນການ ໄດ້ກ່າວຈຸດປະສົງ ຂອງການຈັ້ດຕັ້ງພິທີໃນຄັ້ງນີ້; ຈາກນັ້ນ ທ່ານ ນາງ ວິລະວອນ ພັນທະວົງ ຄະນະພັກ, ຮອງຫົວໜ້າຄະນະໂຄສະນາອົບຮົມສູນກາງພັກ, ຜູ້ຊີ້ນຳວຽກງານໂຄສະນາ-ຂະບວນການ ແລະ ວຽກງານບໍລິຫານ-ການເງິນ ໄດ້ມີ ຄຳເຫັນ ເຊິ່ງທ່ານ ໄດ້ຍົກໃຫ້ເຫັນຄວາມໝາຍສຳຄັນ ຂອງວຽກງານ ສ້າງ ຂະບວນການ ເພື່ອແນໃສ່ເຮັດໃຫ້ຄວາມສາມັກຄີເປັນເອກະພາບ ຢູ່ພາຍໃນ ມີຄວາມໜັກແໜ້ນ, ມີບັນຍາກາດຟົດຟື້ນ ແລະ ເຮັດໃຫ້ການດຳເນີນກອງປະຊຸມໃຫຍ່ຄັ້ງທີ V ຂອງອົງຄະນະພັກ ຄອສພ ມີຄວາມໝາຍເລິກເຊິ່ງ ແລະ ມີຜົນສຳເລັດຢ່າງ ຈົບງາມ.

 

 

ຂ່າວ ພັດ ລໍວັນໄຊ, ພາບ ສອນທິ

 

 

ບົດຄວາມໜ້າສົນໃຈ

Leave a Reply

Your email address will not be published. Required fields are marked *