ຂ່າວເດັ່ນ-ປະເດັນດັງ

ສະຫາຍ ທອງລຸນ ສີສຸລິດ ຢ້ຽມຢາມ ສສ ຫວຽດນາມ ຢ່າງເປັນທາງການ

           ສະຫາຍ ທອງລຸນ ສີສຸລິດ ເລຂາທິການໃຫຍ່ ປະທານປະເທດແຫ່ງ ສປປ ລາວ ພ້ອມດ້ວຍຄະນະຜູ້ແທນຂັ້ນສູງ ຂອງ ສປປ ລາວ ໄດ້ເດີນທາງໄປຢ້ຽມຢາມສັນຖະວະໄມຕີ ສສ ຫວຽດນາມ ຢ່າງເປັນທາງການ ໃນລະຫວ່າງວັນທີ 28-29 ມິຖຸນາ 2021 ເພື່ອຮັດແໜ້ນຄວາມສາມັກຄີ, ເພິ່ມພູນຄູນສ້າງ ແລະ ເສີມຂະຫຍາຍສາຍພົວພັນມິດຕະພາບອັນຫຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານລະຫວ່າງ 2 ພັກ, 2 ລັດ ແລະ ປະຊາຊົນ 2 ປະເທດ ໃຫ້ເລິກເຊິ່ງກວ່າເກົ່າ.

           ການຢ້ຽມຢາມ ສສ ຫວຽດນາມ ໃນຄັ້ງນີ້ ສະຫາຍ ທອງລຸນ ສີສຸລິດ ໄດ້ພົບປະເຈລະຈາ ກັບ ສະຫາຍ ຫງວນຟູຈ້ອງ ເລຂາທິການໃຫຍ່ ຄະນະບໍລິຫານງານສູນກາງພັກກອມມູນິດຫວຽດນາມ, ທ່ານ ຫງວຽນຊວນຟຸກ ປະທານປະເທດ, ທ່ານ ຟາມມິງຈິ້ງ ນາຍົກລັດຖະມົນຕີ ແລະ ທ່ານ ເວືອງດິ່ງເຫວ້ ປະທານສະພາແຫ່ງຊາດ; ສອງຝ່າຍ ລາວ-ຫວຽດນາມ ເຫັນດີເປັນເອກະພາບສືບຕໍ່ຮັດແໜ້ນການພົວພັນດ້ານການເມືອງເຂົ້າສູ່ລ່ວງເລິກໃຫ້ມີປະສິດທິຜົນຫຼາຍກວ່າເກົ່າ, ຮ່ວມມືກັນຢ່າງແໜ້ນແຟ້ນໃນບັນດາບັນຫາຍຸດທະສາດທີ່ພົວພັນເຖິງຄວາມສະຫງົບ ແລະ ການພັດທະນາຢູ່ແຕ່ລະປະເທດ, ຍົກສູງປະສິດທິຜົນການຮ່ວມມືໃນທຸກຂັ້ນ, ທຸກຂະແໜງການ ແລະ ທ້ອງຖິ່ນຂອງສອງປະເທດ ເຊິ່ງໄດ້ຕົກລົງເຊັນສັນຍາການຮ່ວມມືລະຫວ່າງສອງປະເທດ 8 ຂົງເຂດວຽກງານ, ໃນນັ້ນມີ ຂໍ້ຕົກລົງວ່າດ້ວຍຍຸດທະສາດຮ່ວມມືສອງຝ່າຍ ລາວ-ຫວຽດນາມ ໄລຍະ 2021-2030 ແລະ ສັນຍາຮ່ວມມືສອງຝ່າຍ ລາວ-ຫວຽດນາມ ໄລຍະ 2021-2025.

ສາຍສໍາພັນ

ພາບຈາກຂ່າວສານຫວຽດນາມ

ບົດຄວາມໜ້າສົນໃຈ

Leave a Reply

Your email address will not be published. Required fields are marked *