ວຽກງານໂຄສະນາອົບຮົມ

ວິໄສທັດ ຂອງຫົວໜ້າ ຄອສພ ຕໍ່ການປັບປຸງວຽກງານວຽກງານໂຄສະນາອົບຮົມ ຂອງພັກ

        ໃນໂອກາດທີ່ ທ່ານ ຄໍາພັນ ເຜີຍຍະວົງ ເລຂາທິການສູນກາງພັກ ຖືກແຕ່ງຕັ້ງມາເປັນເລຂາຄະນະພັກ, ຫົວໜ້າຄະນະໂຄສະນາອົບຮົມສູນກາງພັກຜູ້ໃໝ່, ວາລະສານໂຄສະນາ ໃນຖານະທີ່ເປັນກະບອກສຽງ ຂອງຄະນະໂຄສະນາອົບຮົມສູນກາງພັກ ກໍໄດ້ຂໍສໍາພາດທ່ານຫົວໜ້າ ຄອສພ ຄົນໃໝ່ ແລະ ກໍໄດ້ຮັບຄໍາຕອບເປັນທີ່ພໍໃຈ; ດັ່ງນັ້ນ ໃນວັນທີ 2 ສິງຫາ 2021 ທີມງານນັກຂ່າວວາລະສານໂຄສະນາ ຈິ່ງໄດ້ເຂົ້າສໍາພາດທ່ານຫົວໜ້າ ຄອສພ ເຊິ່ງທ່ານກໍໄດ້ເປີດໃຈຕໍ່ທຸກໆຄໍາຖາມທີ່ຕັ້ງຂຶ້ນ.

        ຈຸດປະສົງຫຼັກແມ່ນຢາກຮູ້ວິໄສທັດ ຂອງທ່ານຫົວໜ້າ ຄອສພ ຄົນໃໝ່ ຕໍ່ກັບການປັບປຸງວຽກງານໂຄສະນາອົບຮົມ ເຊິ່ງເປັນການລໍຄອຍ ແລະ ຫຼາຍຄົນຢາກຮູ້ຄໍາຕອບ. ການສົນທະນາທີ່ໃຊ້ເວລາເກືອບ 2 ຊົ່ວໂມງ ກໍໄດ້ຮັບຄໍາຕອບຂ້ອນຂ້າງຊັດເຈນ ເຊິ່ງທ່ານໄດ້ຢືນຢັນວ່າ: ວຽກງານໂຄສະນາອົບຮົມ ເປັນວຽກງານສໍາຄັນ ຂອງພັກ, ຜ່ານມາກໍເຮັດໄດ້ດີ ແລະ ມີຄວາມສໍາເລັດຫຼາຍດ້ານ, ແຕ່ວ່າເມື່ອທຽບກັບຄວາມຮຽກຮ້ອງຕ້ອງການ ຂອງວຽກງານການເມືອງ-ແນວຄິດໃນໄລຍະໃໝ່ ແມ່ນຈະຕ້ອງໄດ້ເພີ່ມທະວີໃນຫຼາຍດ້ານ, ເພາະສະນັ້ນ ຈະຕ້ອງໄດ້ສ້າງການຫັນປ່ຽນຢ່າງແຂງແຮງ, ເລິກເຊິ່ງ ແລະ ຮອບດ້ານ; ໃນນີ້ ຈະຕ້ອງໄດ້ເລີ່ມຈາກການຫັນປ່ຽນຈິນຕະນາການເກົ່າ, ຄວາມຊິນເຄີຍເກົ່າ, ແບບແຜນວິທີເຮັດວຽກແບບເກົ່າ, ສັບຊ້ອນຈັດວາງພະນັກງານ ໃຫ້ເໝາະສົມກັບຄວາມຮູ້, ຄວາມສາມາດ, ພອນສະຫວັນ; ເວົ້າລວມແລ້ວ ຖ້າວຽກງານມີຄຸນນະພາບ, ມີປະສິດທິຜົນ ບົດບາດກໍຈະສູງຂຶ້ນ, ສ່ວນວິທີການຫັນປ່ຽນແນວໃດນັ້ນ ຈະສະເໜີລະອຽດ ຢູ່ໃນວາລະສານສະບັບສິ່ງພິມ ປະຈໍາເດືອນສິງຫາ 2021.

 

ບົດຄວາມໜ້າສົນໃຈ

Leave a Reply

Your email address will not be published. Required fields are marked *