ຂ່າວເດັ່ນ-ປະເດັນດັງ

ການພົບປະຜູ້ນໍາສູງສຸດ ຂອງສອງປະເທດມະຫາອໍານາດ

         ການພົບປະຂອງຜູ້ນໍາສູງສຸດ ຂອງສອງປະເທດມະຫາອໍານາດ ລະຫວ່າງ ​ໂຈ ​ໄບ​ເດນປະທານາທິບໍດີ ​ສ.ອາ​ເມ​ລິ​ກາ ​ແລະ ວາ​ລາ​ດີ​ເມຍ ປູ​ຕິນປະທານາທິບໍດີ ຣັດ​​ເຊຍ ມີຂຶ້ນທີ່​ນະຄອນ​ ເຈ​ນີວາ ປະ​ເທດ​ ສະ​ວິດເຊີແລນ ໃນວັນ​ທີ 16​ ມິຖຸນາ 2021 ເຊິ່ງເປັນການພົບປະກັນຄັ້ງປະຫວັດສາດ ໂດຍໃຊ້​ເວລາ ​ປະມານ 4-5 ຊົ່ວ​ໂມງ.

           ການ​ພົບ​ປະກັນໃນຄັ້ງນີ້ ຜູ້ນຳທັງ​ສອງ​ຝ່າຍ ໄດ້​ປຶກສາ​ຫາລື​ກັນຫຼາຍບັນຫາ​ທີ່​ສຳຄັນ ເປັນຕົ້ນແມ່ນ​ປຶກສາຫາ​ລືກ່ຽວ​ກັບ​ຄວາມ​ສຳພັນ ລະຫວ່າງ ສ.ອາ​ເມ​ລິ​ກາ ​ແລະ ຣັດ​ເຊຍ ລວມທັງ​ບັນ​ຫາສາ​ກົນ ​ໃນ​ການ​ຕໍ່ສູ້​ກັບ​ການ​ແຜ່​ລະບາດ​ ໂຄ​ວິດ-19 ​ແລະ ຄວາມ​ຂັດ​ແຍ່ງໃນ​ພາກ​ພື້ນ​ຕ່າງໆ ທີ່ສໍາຄັນແມ່ນ​ເນັ້ນ​ໃສ່ ຄວາມ​ຂັດ​ແຍ່ງກ່ຽວ​ກັບອ​ູ​ແກຣນ, ການ​ໂຈມ​ຕີ​ທາງ​ໄຊ​ເບີ, ບັນຫາ​ສິດທິ​ມະນຸດ, ການ​ຄວບ​ຄຸມດ້ານ​ອາວຸດ, ການ​ຄວບ​ຄຸມ​ອາວຸດນິວ​ເຄຣຍ, ບັນຫາປອດນິວ​ເຄຣຍ ​ແລະ ບັນຫາ​ອື່ນໆ​ອີກ. ພ້ອມດຽວກັນນັ້ນ, ທັງ​ສອງ​ຝ່າຍ ​ຍັງ​ຕົກລົງ​ທີ່​ຈະ​ສົ່ງເອກ​ອັກຄະລັດຖະທູດ ກັບຄືນ​ໄປ​ປະຈຳການ​ຢູ່​ນະຄອນຫລວງຂອງ​ທັງ​ສອງ​ປະ​ເທດ ​​ແລະ ຫຼາຍບັນຫາ​ສໍາຄັນ ທີ່​ຈະຕ້ອງ​ສືບ​ຕໍ່​ແກ້​ໄຂ​ໃນ​ຕໍ່ໜ້າ ​ເພື່ອ​ຫຼຸດຜ່ອນ​ຄວາມ​​ເຄັ່ງ​ຕຶງຢ່າງ​ຮີບ​ດ່ວນ. ການທີ່ເລືອກນະຄອນ​ ເຈ​ນີວາ ເປັນເມືອງໃນການຈັດກອງປະຊຸມພົບປະໃນຄັ້ງນີ້ ກໍເພື່ອເປັນການລະນຶກເຖິງ ການປະຊຸມສຸດຍອດສົງຄາມເຢັນລະຫວ່າງ ປະທານາທິບໍດີ ໂຣນັລ ເຣແກນ ​ສ.ອາ​ເມ​ລິ​ກາ ແລະ ມິຄາອິວ ກອຣບາຊອບ ຜູ້ນໍາໂຊວຽດ ໃນປີ 1985.

ສາຍສໍາພັນ

ພາບຈາກອິນເຕີເນັດ

ບົດຄວາມໜ້າສົນໃຈ

Leave a Reply

Your email address will not be published. Required fields are marked *