ຂ່າວເດັ່ນ-ປະເດັນດັງ

ກອງປະຊຸມໃຫຍ່ສະມາຊິກພັກ ຄັ້ງທີ V ຂອງອົງຄະນະພັກ ຄອສພ ໄຂຂຶ້ນຢ່າງສະຫງ່າຜ່າເຜີຍ

       ຄະນະໂຄສະນາອົບຮົມສູນກາງພັກ ແມ່ນໜຶ່ງໃນ 19 ພາກສ່ວນ ທີ່ກົມການເມືອງສູນກາງພັກ ອະນຸມັດໃຫ້ເປີດກອງປະຊຸມໃຫຍ່ສະມາຊິກພັກ ຂອງອົງຄະນະພັກຕົນ ພາຍຫຼັງສໍາເລັດ ກອງປະຊຸມໃຫຍ່ ຄັ້ງທີ XI ຂອງພັກ ແລະ ໄດ້ໄຂຂື້ນ ຢ່າງສະຫງ່າຜ່າເຜີຍ ໃນວັນທີ 24 ສິງຫາ 2021.

        ພາຍຫຼັງກະກຽມ ແລະ ມີຄວາມພ້ອມຮອບດ້ານ ແລະ ໄດ້ຮັບອະນຸມັດ ຈາກຄະນະເລຂາທິການສູນກາງພັກ ໃຫ້ເປີດກອງປະຊຸມໃຫຍ່ ສະມາຊິກພັກ ຄັ້ງທີ V ຂອງອົງຄະນະພັກ ຄອສພ ແລະ ໄດ້ດໍາເນີນຢ່າງເປັນທາງການ ໃນວັນທີ 24 ສິງຫາ 2021. ກອງປະຊຸມອັນມີຄວາມໝາຍສໍາຄັນໃນຄັ້ງນີ້ ໂດຍພາຍໃຕ້ການເປັນປະທານ ຂອງ ສະຫາຍ ຄໍາພັນ ເຜີຍຍະວົງ ເລຂາທິການສູນກາງພັກ, ເລຂາຄະນະພັກ, ຫົວໜ້າຄະນະໂຄສະນາອົບຮົມສູນກາງພັກ, ມີຄະນະພັກ, ມີສະມາຊິກພັກ, ພະນັກງານອາວຸໂສບໍານານ, ແຂກທີ່ຖືກເຊີນ ເຂົ້າຮ່ວມ ແລະ ເປັນກຽດເຂົ້າຮ່ວມຂອງ ສະຫາຍ ຄໍາພັນ ພົມມະທັດ ກໍາມະການກົມການເມືອງສູນກາງພັກ, ປະທານຄະນະກວດກາສູນກາງພັກ, ປະທານອົງການກວດກາແຫ່ງລັດ.

          ກອງປະຊຸມໄດ້ຮັບຟັງການລາຍງານການເມືອງ ເຊິ່ງສະເໜີໂດຍ ສະຫາຍ ຄໍາພັນ ເຜີຍຍະວົງ, ເລຂາຄະນະພັກ, ຫົວໜ້າ ຄອສພ, ຮັບຟັງແຜນພັດທະນາວຽກງານໂຄສະນາອົບຮົມ ໃນໄລຍະ 5 ປີຕໍ່ໜ້າ (2021-2025) ເຊິ່ງສະເໜີໂດຍ ສະຫາຍ ນາງ ວິລະວອນ ພັນທະວົງ ຄະນະພັກ, ຮອງຫົວໜ້າ ຄອສພ, ຮັບຟັງລາຍງານ ການນໍາພາ-ຊີ້ນໍາ ຂອງຄະນະພັກ ຄອສພ ສະໄໝທີ IV  ຈະໄດ້ເລືອກຕັ້ງເອົາຄະນະພັກ ຄອສພ ສະໄໝທີ V ແລະ ສະມາຊິກພັກຈະໄດ້ຮັບຮອງເອົາມະຕິກອງປະຊຸມໃຫຍ່ຄັ້ງນີ້; ພິເສດ ໃນຕອນທ້າຍ ຂອງກອງປະຊຸມ ຈະໄດ້ຮັບຟັງການໂອ້ລົມ ຂອງສະຫາຍ ທອງລຸນ ສີສຸລິດ ເລຂາທິການໃຫຍ່, ປະທານປະເທດແຫ່ງ ສປປ ລາວ ແລະ ກອງປະຊຸມ ຈະໄດ້ດໍາເນີນເປັນເວລາ 1 ມື້.

ຂ່າວ: ມີໄຊ, ພາບ: ທອນ

ບົດຄວາມໜ້າສົນໃຈ

Leave a Reply

Your email address will not be published. Required fields are marked *