ບົດຮຽນທາງດ້ານທິດສະດີ ແລະ ພຶດຕິກຳ

ຄະນະ ບກ ວາລະສານອະລຸນໃໝ່ ເດີນທາງໄປຮ່ວມກອງປະຊຸມສໍາມະນາວິທະຍາສາດ ທີ່ແຂວງວຽງຈັນ

         ເພື່ອກະກຽມໃຫ້ແກ່ການສະເຫຼີມສະຫຼອງ ວັນສ້າງຕັ້ງແຂວງວຽງຈັນ ຄົບຮອບ 40 ປີ (13/8/1981-13/8/2021) ເຊິ່ງຈະໄດ້ຈັດຕັ້ງການສະເຫຼີມສະຫຼອງໃນມໍ່ໆນີ້; ເພື່ອເຮັດໃຫ້ງານດັັ່ງກ່າວມີຄວາມໝາຍ ແລະ ມີເນື້ອໃນເລິກເຊິ່ງ ທັງມີຄວາມເປັນເອກະພາບ ແລະ ມີບັນຍາກາດຄຶກຄຶ້ນນັ້ນ ທາງຄະນະຮັບຜິດຊອບ ຈຶ່ງໄດ້ໄຂກອງປະຊຸມສໍາມະນາວິທະຍາສາດຂຶ້ນ ໃນລະຫວ່າງວັນທີ 25-27 ສິງຫາ 2021 ເພື່ອໃຫ້ຜູ້ເຂົ້າຮ່ວມກອງປະຊຸມປະກອບຄໍາເຫັນ ໃສ່ບັນດາເນື້ອໃນຫົວຂໍ້ຕ່າງໆ ທີ່ຄະນະຮັບຜິດຊອບໄດ້ກະກຽມໃນເບື້ອງຕົ້ນ.

          ກອງປະຊຸມສໍາມະນາວິທະຍາສາດຄັ້ງນີ້ ໄດ້ດໍາເນີນພາຍໃຕ້ຫົວຂໍ້ “ຄົ້ນຫາຜົນງານ, ສືບສານມູນເຊື້ອວິລະກໍາ 40 ປີ ແຂວງວຽງຈັນ” ໂດຍພາຍໃຕ້ການເປັນປະທານ ຂອງ ທ່ານ ໝູນແກ້ວ ອໍລະບູນ ອະດີດກໍາມະການສູນກາງພັກ, ອະດີດເລຂາພັກແຂວງ, ເຈົ້າແຂວງໆວຽງຈັນ, ເປັນກຽດເຂົ້າຮ່ວມ ຂອງທ່ານ ຄໍາພັນ ສິດທິດໍາພາ ກໍາມະການສູນກາງພັກ, ເລຂາພັກແຂວງ, ເຈົ້າແຂວງໆວຽງຈັນ ແລະ ມີການນໍາແຂວງ-ເມືອງ ເຂົ້າຮ່ວມ; ໃນນີ້ ວາລະສານອະລຸນໃໝ່ ໃນຖານະເປັນວາລະສານທິດສະດີ ແລະ ພຶດຕິກໍາ ຂອງພັກ ທີ່ຂຶ້ນກັບຄະນະໂຄສະນາອົບຮົມສູນກາງພັກ ກໍໄດ້ຮັບກຽດເຊື້ອເຊີນເຂົ້າຮ່ວມ ແລະ ໄດ້ມອບໝາຍໃຫ້ ທ່ານ ປອ ວັນລາຕີ ຄໍາວານວົງສາ ຄະນະພັກ ຄອສພ, ຮອງຫົວໜ້າບັນນາທິການ ວາລະສານອະລຸນໃໝ່ ພ້ອມດ້ວຍຄະນະໄປຮ່ວມ ເພື່ອປະກອບຄໍາເຫັນ ແລະ ຂຽນເປັນບົດວິເຄາະ-ວິໄຈ ທາງດ້ານທິດສະດີ ແລະ ພຶດຕິກໍາການເຕີບໃຫຍ່ຂະຫຍາຍຕົວ ຂອງແຂວງວຽງຈັນ ຕະຫຼອດໄລຍະ 40 ປີ ລົງໃນວາລະສານ ແລະ ສື່ຕ່າງໆ ເພື່ອໃຫ້ສັງຄົມຮັບຮູ້.

          ກອງປະຊຸມໄດ້ຄົ້ນຄວ້າ ປະກອບຄໍາເຫັນໃສ່ເນື້ອໃນ ລວມທັງໝົດ ມີ 15 ຫົວຂໍ້ ທີ່ພົວພັນເຖິງການເຕີບໃຫຍ່ຂະຫຍາຍຕົວຂອງແຂວງວຽງຈັນ ຜ່ານໄລຍະ 40 ປີ ເຊິ່ງກວມເອົາທຸກໆຂົງເຂດວຽກ; ຕອນທ້າຍຂອງກອງປະຊຸມ ຈະໄດ້ຮັບຟັງຄໍາເຫັນຊີ້ນໍາ ຂອງທ່ານເຈົ້າແຂວງອີກດ້ວຍ.

ຂ່າວ-ພາບ: ທອງຈັນ ສິງແກ້ວ

ບົດຄວາມໜ້າສົນໃຈ

Leave a Reply

Your email address will not be published.